الثلاثاء، 13 مارس 2012

في السعودية

انا حاليا في الرياض طلعت من ارض مصر الحبيبه اللي نفسي ارجعلها يوم 23-1
وبعدين روحت مكه يوم1-2
ودعيتلكم كلكم ودعيت لمصر ولكن رجعت اتصدمت باحداث بورسعيد
وبالاحداث المأساوية اللي مصر بتمر بيها ومازالت الاحداث والصدمات تتوالي علي مصر حتي
جاءت الحمي القلاعيه
لعلها تكون اخر الاحزان
ربنا معاكي يامصر
وطبعا نظرا لاني كل يوم فاضيه ومش لاقيه حاجه اعملها فلازم اعد ع النت كل يوم وطبعا نصيحة ومش تهديد لازم تدخلوا النت كل يوم عشان تسلوني
هاهاهاهاهاها
بجد التدوين وحشني
اه صحيح
انا اتجوزت يوم9-9
واكيد انا في السعودية مع زوجي
نرجع لموضوعنا
بطارية اللاب توب بتاعتي باظت وانا زعلانه اوي
ايه ده مش ده موضوعنا
طيب نرجع لموضوعنا
اها النت كل يوم والا
والا
والا
واااااااااااااء
مش هيحصلكم حاجه
يلا ربنا مع الجميع وعندي اخبار كتير هتكلم كل يوم فيها وهاناقشها معاكم بس عشان مطولش عليكم انهارده
السلام عليكم

الأحد، 20 مارس 2011

مش عارفه ؟!!!

كاااااااام موضوع وكاااام حوار عايزه اكتبهم بس مش عارفه اقول ايه وابدا بايه
اخر مرة دخلت المدونة قبل الانتخابات وقولت اني هكتب انجازات الشيخ وانشغلت في الانتخابات والتزوير والحزن اللي جالي ايامها خلاني مش طايقه اعد نت واليأس سيطر عليا وكرهت البلد اللي عايشه فيها من كمية الفساد واجي اكلم اصحابي في الكلية يقولوا مبارك كويس ولازم نطيعه لانه القائد والرئيس وبتاع
فمليت بس كنت واثقة في ربنا
المهم تطورت الاحداث وجاءت المفاجأة الا وهي الثورة الجميلة وشاركت الحمد لله فيها ونزلت ميدان التحرير تلات ايام وشوفت روح جميلة اوي ماشاء الله وتتسارع الاحداث ويجي الاستفتاء
وطبعااااااااااااا صوت بنعم
والحمد لله نعم كسبت
هههههههههه
ع اساس انه كان ماتش كورة
لالا بجد بغض النظر ان اللي كنت عايزاه هو اللي مشي لو كان لا هي الاغلبية كنت هفرح برده لاننا بقينا بنحتكم لراي وارادة الشعب
ولسه فيه كلام كتير في التحرير حصل هحكي عليه

سلالام مؤقت


تحية للشهداء اللي ضحوا عشانا

الثلاثاء، 2 نوفمبر 2010

علي مشارف الانتخااابات



ردا علي مدونة كانت تخطئ في تقدير الشيخ السيد عسكر الذي ضحي بنفسه وافني جهده في خدمة اهالي طنطا وانا واحدة من الناس التي تبحث عن الحقيقة فبحثت في الشيخ السيد عسكر واحمد شوبير وهما النائبين عن دائرتنا فوجدت فارق لا مثيل له بين شيخ كبير ضحي بنفسه في خدمة الناس ورجل لا اعيب فيه كشخص ولكن كسوء خلق
فأقول كلمة لهذه المدونة يجب ان تعيد النظر فيما كانت ترمي اليه
وان كانت لا تحب الاخوان عموماا فهذا لا يمنع ان تقول كلمة حق تسأل عنها يوم القيامة
وانا ان شاء الله سأكتب ما قدمه الشيخ من انجازات ولنترك الانجازات تدافع عن صاحبهاااا



نعتذر عن التقصير في زيارة بعض المدونات ووعد ان شاء الله ازورهم جميعا قريبا

الثلاثاء، 7 سبتمبر 2010

الاخوان & وحيد حامد


استفسارات كتير حول مسلسل الجماعه
الجماعه يثير الجدل
الجماعه مع ام ضد الاخوان
تكفير وحيد حامد
وغيرها من العناوين التي نسمعها حول مسلسل الجماعه
ياتري بعد ما شوفت المسلسل رايك ايه فيه؟؟
هل انت مع ام ضد المسلسل؟؟
هل انت مع ام ضد الجماعه قبل وبعد المسلسل؟؟؟
ايه رايك في الحكومه جوه المسلسل ؟
اسئله كتيييييير واجابات اكتر وعايزه اعرف اجابتها منكم
وعيد سعيد علي الجميع واعتذر عن الغيبه الطويله واتمني انها مش تتكرر