الخميس، 19 مارس، 2009

امتحان ولازم تشارك فيه

اولا:السلام عليكم ورحمة الله وبركاته
ثانيا : عايزينك حبه معانا
تجاوب علي بعض الاسئله عشان نعرف راي المدونون فيها
يعني حبه اسئله في السياسه
واللي ليه في السياسه يشاركنا
واللي مالهوش
خلاص بقي مش هنتعبه معانا بس
برده يشاركنا

يلا نبدا بقي الاسئله مستعد؟؟!

شكلك ليسا مش مستعد يلا استعد

مش عايزين اجابه طويله وتخلص القلم والكراسه احنا عايزين اوافق ام لا اوافق وممكن تكتب تعليق بسيط بجوارها

1:ما رايك في نظام التوريث؟
2:ما رايك في النظام الحاكم؟
3:ما رايك في رفع الاسعار لتسديد ديون الدوله؟
4:ما رايك في قيام احزاب سياسيه تحت شعار ديني؟
5:مارايك في قيام الانشطه السياسيه بالجامعات؟
6:ما رايك في قانون الطوارئ؟
7:ما رايك في تزوير الانتخابات لصالح الحكومه؟
8:ما رايك في نظام جماعه الاخوان المسلمين؟
9:ما رايك في نظام رابطه مدونون من اجل فلسطين هل تحقق شيئا مفيدا؟
والسؤال الاخير
.
.
.
والاهم
.
.
.
10:ما رايك في الاستفتاء؟؟؟؟؟؟؟

الأحد، 8 مارس، 2009

عشر فؤائد للمقاطعه

1- الخساره الاقتصاديه الحتميه للشركات اليهوديه والامريكيه فاذا قلت ارباح الشركات يؤدي الي قلة الضرائب المدفوعه للحكومة الامريكيه
2- خسارة هذه الشركات ستؤدي الي تغيير القرار السياسي في امريكا من التمييز السافر لاسرائيل
3-هذه المقاطعه ستؤدي الي استعمال البدائل الوطنيه مما سيؤدي الي انتعاش الاقتصاد الوطني
4- ستؤدي الي تذكر المسلمين الدائم والمستمر لعدوهم الحقيقي
5-هذه المقاطعه تقضي علي الانبهار الدائم من الناس علي السلع اليهوديه والامريكيه
6- تربيه عظيمه للنفس بحرمانها من اشياء تعودت عليها
7- المقاطعه تؤدي الي حاله من الرعب للاعداء
8- ترفع المعنويه الاسلاميه حينما تري مطاعم اليهود قد قفلت لعدم اقبال الناس عليها
9- ان الحصار الاقتصادي قد يقضي علي اي دوله وفي اي وقت
10- مع اخلاص النوايا في نصره الاسلام والمسلمين فاننا نرجو من الله مقابل ذلك الثواب

الثلاثاء، 3 مارس، 2009

نااااااااااااااااااااااااس

ناس تسعى من اجل دعوه
وناس بتسعى من اجل شهوه
ناس بتسعي عشان الاصلاح
وناس ما بتحبش حد يرتاح
ناس بتسعي لفعل الخير
وناس بتسعي لضر الغير
ناس مش عايزه اي فقير تعبان
وناس بتحب تستقوي علي الغلبان
ناس بتسعي وتموت من اجل الحق
وناس عمرها للباطل ما تقول لا
ناس بتسعي بجد ليوم الحساب
وناس ناسيه وبتسعي للخراب
ناس بتسعي من اجل شهاده
وناس بتسعي عشان تعصي زياده
ناس بتسعي من اجل غزه
وناس بتسعي من اجل لذه
ناس كل همها نهضه امتنا
وناس بتسعي عشان ذلة عزتنا
ناس ماشيه مسلمه امرها للرحمن
وناس بتقول انا تبع فلان وفلان
ناس بتتمني نعيم الجنه
وناس بالحرام عايزه تتهني
ناس بتقول هنمشي وراك يانبينا
وناس بتقول يا شيطان علي فين هتودينا
ناس حلمهم يقابلوا رسولنا الامين
وناس حلمهم ياقبلوا تامر وشرين
ناس عمهرهم ما كانوا في الدنيا طمعانين
وناس نفسهم يبقوا فيها مخلدين
ناس بتحب بعضها بجد وباخلاص
وناس مابتحبش غير نفسها وخلاص
ناس لما بتعصي تعمل بحر بدموع العين
وناس لما بتعصي ولا فارقه معاهم ولا حاسين
من الاخر كدا
اختار انت عايز تكون مع مين ؟؟
مع الناس اللي في الشمال ولا اللي علي اليمين
الناس اللي في الشمال بالدنيا مخدوعين
والناس اللي في اليمين هتلاقيهم متراقبين
والناس في الشمال بالدنيا مبسوطين
والناس في اليمين غير رضا ربنا مش عايزين
الناس في الشمال عن حالهم برده مش راضين
والناس في اليمين ساجدين شاكرين حامدين
اصل السعاده مش في طريق اخره عذاب اليم
لكن السعاده في طريق نهايته جنه ونعيم
والفايز مش اللي يكسب دنيا اكيد هتزول
لكن الفايز اللي في الاخره يبقي مع الرسول