الأربعاء، 21 أكتوبر 2009

خفة دم في وقت الهم

معلش يا جماعه علي التأخير ده وانا فعلا اشتقت للمدونات بس الاجازه عندي كانت مليانه بالحاجات اللي المفروض اعملها بس انا فضيت اهوه اول ما الدراسه دخلت هههههههههه
بس يعني ادخل علي المدونه اول ما ازهق من المذاكره والكليه وما اكثر ذلك
هههههههههه
بس دلوقتي عايزه اكتب شويه نكت يروقوا دمنا بدل الازمات الكتير (المسجد الاقصي اللي عايزين يهدوه _ وانفلونزا الخنازير _ والكليه بتاعتنا _ وبجد مواضيع كتير كتير)

دبانة وقعت فى ازازة وسكى طلعت تقول اوعى النسر

• ‏مرة مدرس رياضيات خلف ولدين و استنتج التالت

واحد اهبل جزمته اتقطعت خيطها وبعد أسبوع لقاها كويسه فك الخياطه

همبورجر وبيبسى و بطاطس بيجروا فى الشارع تفتكر ليه؟........ عشان وجبات سريعة

واحدة اتجوزت واحد شخصيته مهزوزة . ‏ركبت له أريل

• مرة 5 ‏دخلوا كلية الهندسة اثنين طلعوا مهندسين وثلاثة مدينة نصر

واحد راح يعزى رجع من العزا, مراته بتقوله عزيت؟؟ قالها لأ ع السمنة

مرةواحد بلديتنا راح محل جاتوه قال للراجل عنداك جاتوة قاله ايوه قاله طب اديني قفصين

قرار جمهوري
الى كل المصريين
تم تغيير تحية العيد
من (عيد مبارك ) الى (يا جمال العيد ) وهذا
يسري على جميع الاعياد الرسمية والدينية

بدوي تزوج بدوية كتب الخيمة بإسمها

فرخة اتجوزت فيل ..جابوا تـشكـِن فيليه

حكم كوره أعد على قهوه...طلب واحدصفر

واحد سباك نفسه اتسدت غرقت الشقة

واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع!

واحد بلديتنا راح لواحد بياع تلفزيونات بيسأله عندك تلفزيونات ملونة البياع قال له ايوه راح بلديتنا قايله ادينى واحد أخضر

مرة ممثل كبير جاله دور برد , رفضه !!

واحد زرع ورده............ ‏طلعتله أم كلثوم

• مرة واحد باع اللي وراه والي قدامه وا شترى اللي جنبه

مرة واحد راح يوكل محامى....... ‏لقاه صايم

• بقرة جالها جفاف نزلت نيدو

ليه الخشب يتيم؟.......‏لأنه مقطوع من شجرة

مره واحد عداه العيب اخد الي بعده

واحد خلقه ضاق اداه لأخوه الصغير

هههههههههههه

هناك 73 تعليقًا:

صوت من مصر يقول...

حمدلله بالسلامه

Soul.o0o.Whisper يقول...

تححححححححححححححفة

رجوع جااااااااااااااااااامد يا سجود
حمدلله ع السلامة


بس أحلى حاجة عجبتنى بجد بتاعة النسر دى
ههههههههههههههه

ياربىىىى
بجد مت من الضحك


يارب ماتغيبيش عنا تانى

د/عرفه يقول...

هههههههه
والله فعلا الواحد معدش قادر يضحك

الهموم بقيت مالية الواحد

Unknown يقول...

جميلة بس بلاش
واحد صعيدى دى
خليها واحد من بلدنا
مش عايزين حد يزعل وكمان
وبصراحة انا شايفة الصعايدة
من أحســــــــــــــــــــــــن النـــاس

Unknown يقول...

وبعد إذنك حأنقلها
للمدونة بتاعتى(التانية)
مع ذكر اللنك الخاص بــــك

سجود يقول...

الله يسلمك صوت من مصر

...............

ربنا يخليك Soul.o0o.Whisper

...............

فعلا يا دكتور عرفه بس ربنا يعينا ونصبر علي الهموم ونتغلب عليها وربنا كبير

سجود يقول...

norahaty
شكرا ليك وانا غيرتها وحذفت منها بتاع الصعيدي خالص وفعلا الصعايده كويسين بس انا كنت جيباهم من الموقع كده
وجزاكم الله خير علي المرووور

اسماء واحلام فى وجدانى يقول...

أحقا أنا أنسان
أشك فى ذلك


مادام شكيت يبقى انا اكيد انسان

سجود يقول...

ههههههههههههههههه
جايز
يعني انا اشك انا كمان عشان ابقي انسان ونستخدم علم النفس والفلسفه لحد ما اتاكد من نفسي
هههههههههههه

donya يقول...

اول زياره للمدونه الخفيفة الظل

ضحكتيني جدا

ربنا يكرمك اخدتي ثواب فينا علشان ضحكتينا

بشكرك علي الزياره اللي اسعدتني
واسعدني انضمامي لمدونتك

وان شاء الله نتواصل

*تحياتي

عمرو جويلى يقول...

السلام عليكم
أشكر حضرتك على تعليقك وأتمنى التواصل
وموضوع رائع
وجهد مشكووووووووور
خالص تقديرى

سجود يقول...

لا شكر علي واجب ياجماعه انا ناويه ازور مدونات كتير ان شاء الله بعد الغياب الطويل ده

TWEETY يقول...

ازيك ياطانت

انا مبسوطة انى زرت المدونة

اسماء واحلام فى وجدانى يقول...

فى الحالة دى انتى مش محتاجة علم النفس لان فى علم جديد اسمه علم الشك

سجود يقول...

هههههههههههههه
خلاص انا مشتركه في علم الشك ده اعملوا حسابي فيه

سجود يقول...

TWEETY
شكرا ليكي يا حبيبتي علي الزياره الجميله ديه
وياريت تناديني سجود علي طول مع انه مش اسمي الحقيقي بس افضل لاني مش كبيره برده لدرجه طانت

اعشق فى الليل ضوء القمر يقول...

ههههههههههه
والله يا سجود ادخلتى الفرحه و البسمه على وجهى و قلبى
جزيت خيرا
تقبلى مودتى و إحترامى

سجود يقول...

جزاكم الله خير يا اعشق ويارب دايما نكون في سعاده وفرح وتتحل كل مشاكلنا ومشاكل المجتمع وربنا يرضي عنا ونحرر المسجد الاقصي

Noora يقول...

هههههههههههه
ياجمال العيد على كل المصريين بمناسبة قرب العيد الكبير

سجود يقول...

وانتي طيبه يا حنان ورده وشكلك بتحبي العيد اوي كده

Ahmed Abu Elhaz يقول...

بجد ضحكتى الواحد و الوالد مكنش فى مود الضحك خالص
جزاكم الله خيرا

عاشق الجنة من الإخوان صلى على النبى يقول...

ايه ده وايه التهييس ده
هي الكلية والمذاكرة بتعمل ده كله
ربنا يستر عليك لأخر السنة
صلي علي النبي

سجود يقول...

هههههههههه
جزانا واياكم يا ادم المهدي ويارب دايما تدوم الضحكه

..............
الكليه والمذاكره بيعملوا اكتر من كده يا عاشق الجنه وفعلا ربنا يستر عليا من دلوقتي من هستني ليسا لاخر السنه
واللهم صلي علي محمد وعلي اله وصحبه وسلم

اسماء واحلام فى وجدانى يقول...

طيب مش كنتى تقولى انك من طنطا يعنى تبع المحتلة يويو
شالله يا سيد يا بدوى
من النهاردة فى حذر تعليقات للطنطاوية واى طنطاوى هاقفشه هارحله على اسكندرية فورا

اما بخصوص علم الشك فــ ده علم صعب جدا

فشكووول يقول...

ازيك يا سجود

اهلا بيكى فى فشكول
واهلا بيكى بعد عودتك تزيدينا من البهجه والفرحه وخفة الدم

شوية نكت والله قعدت اضحك عليهم

خدى عندك

مره واحد ماشى .. لقى قرن فول اخضر .. يعمل ايه .. كله .. بس خلاص خلصت النكته .. اضحكى بقى

ريمان يقول...

تم تغيير تحية العيد
من (عيد مبارك ) الى (يا جمال العيد ) وهذا
يسري على جميع الاعياد الرسمية والدينية




ههههههههههههههههههههههه

هههههههههههههههههه


لا فى دى عندهم حق بصراحه



امال اييييييييييه


تحياتى

والله بوست جه فى وقته كنا محتاجين نفرفش شويه

ريمان يقول...

تم تغيير تحية العيد
من (عيد مبارك ) الى (يا جمال العيد ) وهذا
يسري على جميع الاعياد الرسمية والدينية




ههههههههههههههههههههههه

هههههههههههههههههه


لا فى دى عندهم حق بصراحه



امال اييييييييييه


تحياتى

والله بوست جه فى وقته كنا محتاجين نفرفش شويه

سجود يقول...

اسماء واحلام في وجداني
ايوه انا من طنطا وبحب اسكندريه بس مش بحب بحرها وبفكر انقل فيها بس الاقي انا شقه بس فيها وانا في الصباح الباكر اجيب شنطتي واروح اعيش فيها
هههههههههههه وعلي فكره مولد السيد البدوي كان قريب من اسبوع كده والخرفات اللي الناس بتعملها كانت شغاله عندنا
............................
فشكووول
هههههههههههه
انا ضحكت اهوه يا استاذ فشكول واعده ليسا اضحك
هههههههههههه


............................
ريمان انتي عسل وربنا يخليكي بس عندي تعليق ضغنون انتي كاتبه التعليق مرتين هو انا مش هفهمه من مره واحده بتكرريه تاني
ههههههههههه
انا بهزر علي فكره انتي براحتك خالص المدونه بتاعتك يعني وشرفتيني والله

عليا ودماغها العاليه يقول...

ايه الناس السكر دى طنطاوووويه ياناااااااااس هم الناس السكر من طنطااااااا

سجود يقول...

هههههههههههه
ربنا يخليكي يا عليا ولا بتقولي كده عشان انتي منها ولا انتي مش منها ولا ايه نظامك عموما نورتي مدونتي جداااا

سلمى يقول...

السلام عليكم
اول زياره لمدونتك الرائعه
ونكت تحححححفه اضحكى الله وجعلك من اهل الجنه

اسماء واحلام فى وجدانى يقول...

معقول المولد كان الاسبوع اللى فات ومحدش يقولى طيب يا يويو انتى وياسمين وانتى كمان يا سجود ما انتم حزب طنطاوى حسابكم معايا بعد مولد المرسى ابو العباس ، انا حاسس انى وقعت فى مثلث طنطاوى

اسكندرية جميلة باهلها وبجوها وبالمطرة والتلج والشتا اللى مش بتبطل اسكندرية جميلة فى الشتا بس انما الصيف لالالالالالالالالالالالالالالالالالالالالالالالالالالالالالالالالالا
كلا البطة وطبعا اللى جامع كل ده البحر اللى انتى مش بتحبيه بصراحة امرك يحير انك مش بتحبى البحر


على فكرة سارة دى تبقى اختى وانا باعتز بيها جدا جدا وكمان هى شريكتى فى حب القطط لانها تقريبا بتحبهم اكتر منى

اسماء واحلام فى وجدانى يقول...

ايه الناس الاون لاين دى

اكيد طبعا اسكندرية فى الصيف زحمة اوى وعموما اهل اسكندرية بينسوها لحد المصيف ما يخلص ومرسى مطروح بنت عمنا مش غريبة بردوا اهو بحر واحد

و ده رابط مدونة سارة
لو حبيتى تسلمى عليها بنفسك


http://aswarh.blogspot.com/

يلا تصبحى على خير يارب

سجود يقول...

جزاكم الله خير يا سلمي وربنا يدخلنا الجنه مع بعض ان شاء الله
,,,,,,,,,,,,,,,,,,
والمولد اه كان الاسبوع اللي فات
بس انا مش بصدق في الحاجات ديه
وانا بحب اعد علي شاطئ اسكندريه اللي هو عند القلعه بس عشان بيبقي هدوء كده هناك
اما اسكندريه عموما هيا بلدي اللي مش عايشه فيها
وبرده سلملي علي ساره
وانت من اهل الخير

اسماء واحلام فى وجدانى يقول...

انا فعلا كنت رايح انام بس تعليقك الاخير فكرنى بفليم همام فى امستر دام لامة يودا اليهودى
قال لـــ همام ابو الهول بتاعنا
فـــ همام قاله ناقص تقولى شبرا بتاعتنا
انتى مش عايشة فى اسكندرية وبتقولى بتاعتك ناقص
تقولى ايه تانى

يعنى محتلة طنطا
ومرسى مطروح فى الصيف
واسكندرية فى حساباتك
والله دى احتلال يويو ارحم من احتلالك ده
ربنا يمسيكى بالخير يا يويو
ويجعل كلامنا خفيف عليكى

سجود يقول...

ههههههههههههههههههههههههههههههههههه
ماشي ماشي ماشي
اسكندريه خلاص بقيت بتاعتي من دلوقتي
انا كنت ليسا بفكر
بس انت اكدتلي وانت حر بقي
ههههههههههههههه

اسماء واحلام فى وجدانى يقول...

مدونتك بقت شات
بس انتى قلبك ابيض والله
ده شبرا لو قالت يا احتلال ، طنطا هتتمسح من على الخريطة ومقام السيد البدوى هتلاقى جنب الحسين مش فى 6ساعات زى اكتوبر لآ فى دقيقة ويمكن اقل
ارضى بنصيبك وكفاية اسكندرية ده لو قدرتى اصلا توصلا لدمنهور لان الاحتياطات اللازمة عملتها من خمس دقايق وانا اهو وانتى اهو والزمان اهو بينا اهو
على راى المطرب الشعب تامر عرابى
والسلام عليكم ورحمة الله وبركاته

سجود يقول...

هههههههههههههههههههه
وعليكم السلام ورحمه الله وبركاته ونو كومنت
هههههههههههههه

Pink Dreams يقول...

هههههههههههههههههههههههههههه

لا بجد جامدين موووووووووووووووت

ههههههههههههههه

تسلم ايدك يا قمرايه

اسماء واحلام فى وجدانى يقول...

يعنى الاسم سارة وسجود والوظيفة اقول الحق والاقامة
ما بين السعودية ومرسى مطروح وطنطا واسكندرية بتاعتك وكمان شهادة ميلاد الله اعلم بظروفها مش المفروض يبقوا اربع شهادات ما علينا
امبارح كان معانا فيلم همام النهاردة معانا فيلم بوحة واخر مشهد فى المحكمة لانة قال للقاضى ان الناس بتنضرب فى الخلاط انا اللى حاسس انى جوه خلاط من الدوخة دى كلها
ممكن تشيلى الفيشة لانى هنجت خالص
واطلب فى نهاية التعليق اغنية
طلع الفجر

سجود يقول...

Pink Dreams
جزاكم الله خير
,,,,,,,,,,,,,,,,,,,,,,,,
اسماء واحلام في وجداني
ههههههههههههههههههههه الخلاط شغال لحد ما يبوظ لوحده احنا مابنشلش الفيش اصلنا بنخاف شويه
ههههههههههه

رفيدة يقول...

جميله اووووووووي .. ياريت تحطي جديد النكت عندك بقي عشان الضحك اليومين دول باينله هيبقي بفلوس :))

اسماء واحلام فى وجدانى يقول...

بالسرعة دى غيرتى الاسم
عجبت لك يا زمن طيب ، اول مرة اسمع عن بصمة الرجل دى بس الزمن يامة لسة هنشوف منه كده على فكرة ده يبقى اسمه تزوير فى رجول رسمية ، وبعدين كويس انك وضحتى لاننا بكده مش هنحتاج خلاط بيت لآلآلآلآلآلآلآلآلآ احنا عايزين خلاط من بتاع الاسمنت الكبير اوى ده لان دايرة الاشتباه كبرت اوى وربنا يستر ومفيش حاجة جديدة تظهر تانى

سجود يقول...

رفيده
جزاكم الله خير وبعدين انا بقول كفايه نكت كده لان خلاص الضحك بقي بفلوس بالفعل اي حد يقرأ اي نكته يدفع جنيه لصالح الحزب الوطني لتطويره اكثر فان كل اعضاؤه غلابه ومش عندهم لبس ولا لاقيين ياكلوا وواهبين نفسهم لصالح الوطن
هههههههههههه
......................
اسماء واحلام في وجداني
اه طبعا انا سريعه جدا وبعدين انا مش مزوره وانا مالي تعالوا يا حكومه خدوا خالي وبنت خالتي اللي كانت ليسا مولوده ما هيا شاركت المجرم وعيلتي كلها عشان اتسترت علي جريمه
وسبوني انا عشان انا ماليش دعوه
.....................
عاشق الجنه من الاخوان
نحن نثق بك وسوف اتاكد من الرابط بالفعل وشكرا علي التنبيه

اسماء واحلام فى وجدانى يقول...

عشانى تعرفى ان الحق مش بيضيع بعد 17 سنة وبسبب انسان بسيط اسمه احمد ظهرت حقيقة مـُـرة وهى التزوير فى الرجول البلوجلورية والله انا خايف احسن شهاداتها الدراسية كمان بتتكتب مرتين وسيتك قاعدة فى البيت مش بتذاكرى ولا بتعملى حاجة
بس لعلمك مقاس الرجل بيتغير مع الزمن يعنى لو فى فرق نمرة ولا اتنين هتتكشفى يا سجود
انا حذرتك وماليش دعوة
ومش تخافى اللى ربنا بيستره مفيش حد يقدر يكشفه

سجود يقول...

ههههههههههههههههه
الحمد لله ربنا ساترني وماحدش هيكشفني بس اطلع انت منها
هههههههههههه

ميمى واحمد يقول...

ندعوكى


لقراءة موضوعنا للاهمية

علياااااااااااااااااااااااااااااااااااااااااااااااااااا يقول...

ايوه يا سجود انا من طنطا تحبى تاخدى العنوان

سجود يقول...

ميمي واحمد
ان شاء الله حاضر
ربنا يستر خير ؟
هدخل اشوف اهوه
,,,,,,,,,,,,,,,,,,,,,,,
علياااااا
لا شكرا مش عايزه عناويين
كفايه انتي نورتينا في المدونه

Cute Kitty **sookra يقول...

بما انى ممنوعه اليومين دول من الضحك لانه موش ماشى مع المود بتاعى
فانا اناشدك ان تكتبى اكبر قدر من النكت عشان اضحك وبلاش تكتبى بوستات كئيبه اليومين دول عشان انا خلالالالالالالالالالالالالاص تعبت اوى
نورتينى بزيارتك وتقبلى مرورى

اعشق فى الليل ضوء القمر يقول...

السلام عليكم ورحمة الله وبركاتة
أخبارك ايه يا سجود
أتمنى من الله انك تكونى بخير
تقبلى تحياتى و مودتى

سجود يقول...

saso
ان شاء الله ربنا يسهل دعواتكم بس

,,,,,,,,,,,,,,,,,,,,
اعشق في الليل ضوء القمر
انا الحمد لله تمام ويارب يدوم علينا السعاده والبسمه
وجزاكم الله خير علي المروور

"النجم القادم" يقول...

ياه انتى لسه عايشه احمدك يارب وبتضحكى كمان لالالالالالالالالا

سجود يقول...

والله يا استاذ احمد انا اسفه موت علي التأخير
وعارفه اني مقصره بس انت اكيد عارف اننا بنمر بظروف تقيله شويه والشغل تقيل علينا موت ومش بفضي افتح

غير معرف يقول...

الحبيبة سجود
اول مرور عندك وليس الاخير باذن الله
ادخلتى البسمة والسرور على قلبى
وكم كنت محتاجة هذا
اشكرك على دعواتك لى واتمنا
الا تتوقف
تحياتى

اسماء واحلام فى وجدانى يقول...

سجود
بغض النظر عن انك طنطاوية وانا متربص لاى طنطاوى
بغض النظر عن شهادة الميلاد المضروبة
بغض النظر عن انك عضو نشط فى حزب يويو وياسمين
بغض النظر عن ان ليكى اربع جنسيات مختلفة
بغض النظر ان فدا اتضح انها اختك يعنى مؤامرة
بغض النظر عن كل ده قررنا ما يلى

اولا كل سنة وانتى طيبة يا رب وفى كل سنة تحققى امنياتك كلها يارب
ثانيا مش تخافى نشرك للشعر هنا مش فيه حسد كل اللى عليكى بربع جنيه بخور سودانى وتبخرى نفسك بعد نشر البوست مباشرة
نتكلم جد شوية
احتاكك بالناس هنا هيولد عندك تذوق للكلمة اكتر وتقدرى تكتبى اكتر هتحسى بحاجات كتير جديدة عليكى حتى لو كل سنة شعر واحد بلاش تبخلى على اخواتك هنا
على فكرة انا باتكلم بجد

ثالثا التورتة لازم تعملى حساب القطط فيها احسن يزعلوا وانا مش اد زعلهم لانى انا المتضرر الوحيد من عيد ميلادك ده لو نستيهم

سجود يقول...

دعواتنا ليكي فرض علينا
وزيارتك نورت المدونه

اقصوصه يقول...

loooooooool

حلوه وايد النكت

اختيار موفق :)

كريم مصطفي سيد يقول...

حمدالله علي السلامة

سجود يقول...

اقصوصه
جزاكم الله خير
................
كريم مصطفي سيد
الله يسلمك

سجود يقول...

اسماااااااء واحلام في وجداني انا ماشوفتش تعليقك اظاهر وانا برد علي ام مالك انت بعت في نفس الوقت فمش خدت بالي
ههههههههههههه
بس ميه ميه
هعمل حساب القطط حاضر عشان انا نسيتهم في جواز اختي

عابرة السبيل يقول...

واحد خلقه داق اداه لاخوه
هههههههههههههههههههههه
بصراحة مش عارفة اضحك على ايه ولا ايه كلهم اجمل من بعض

أريــــــــــــــــــــج يقول...

سلام الله عليكم ورحمته والبركات

اشكرك عزيزتي على زيارتك اللطيفه واتمنى دوام التواصل باذن الله ..

وموضوعك قمة الروعه يدل على خفة دمك

دمتي بحقظ الرحمن

وشكرا من الاعماق على مرورك الكريم

لاسع افندى يقول...

هههههههههههههههههههههههههههه

مـجـنـووون يقول...

الله ينور لعي النكة الجميله

بس مش خايهف يكون في واحد بلديتنا من الي بيدخلوا المدونة يشوف النكت عليه يطخك عيارين ؟


تقبلي مروري
مجنووون

حياتى نغم يقول...

السلام عليكم ورحمة الله وبركاته

جميله يا سجود وجديده عليا خالص أضحك الله سنك .

جميل إنك تضحكى وقت التعب والحزن ربنا يسعدك يا قمر .

والله وحشتينى بس سامحينى وقتى صعب وادعيلى عندى برد :( ربنا يستر .

حلم بيعافر يقول...

هههههههههههه
ربنا يباركلك ويسعدك

سجود يقول...

عابره السبيل
جزاكم الله خير
..................
الايام
جزاكم الله خير
..................
لاسع افندي
جزاكم الله خير
..................
مجنوون
لالا مش خايفه اصل انا عامله معاهده مع بلديتنا
..................

سجود يقول...

حياتي نغم
الف مليووووووووووووووووون سلامه عليكي ان شاء الله اسرائيل
والله انتي كمان وحشتيني والقلوب عند بعضها
................
حلم بيعافر
جزاكم الله خير

Unknown يقول...

هههههههههه

والله فرجتي عنا شوية
تحياتي على تلك التدوينة
وأنتظر رد الزيارة

ويبقى التواصل

سجود يقول...

معتز شاهين-باحث تربوي

ان شاااااااااء الله
وجزاكم الله خير

غير معرف يقول...
أزال أحد مشرفي المدونة هذا التعليق.
سجود يقول...

لا حول ولا قوه الا بالله
هو الاشخاص اللي بتدخل المدونات تكتب تعليقات غير لائقه بتستفاد حاجه
يعني السؤال بشكل اخر
بترضي علي اللي هيا بتعمله
انا لاحظت في كذا مدونه بتشتكي من التعليقات الغير لائقه بس مش توقعت ان انا اكون واحده من المدونات ديه لاني تقريبا ما اذيتش حد باي تعليق وحش
عموما خير واتمني ان يهديهم الله