الأحد، 13 يونيو، 2010

بدون عنوان

الواحد مش عارف يكتب ايه وانا بقالي كذا بوست في الحاله ديه
الواحد كل ما يلاقي نفسه بدأ يروق ويحاول يبص للبلد بنظره تانيه لازم تيجي تسود النظره انا بقيت مش عارفه ابص علي بلدنا ديه من انه عين والمشكله ان لسه في ناس بتجادل ان الحكومة مش ظالمه وان رئيسها اللي ربنا مايباركش فيه مش ظالم
واساسا حاميها حراميها
واننا كرهناهم علي الاخر وكرهنا اي حد بيطلع يقول انهم كويسين انا نفسي اشوف حاجه واحده بس حلوه من البلد ديه وكل مره اقول احسن اننا نمشي ونسيبها ونرجع نقول لا مش هنسيبهالهم وفعلا مش هنسيبهالهم لو موتوا فينا الصغير والكبير هنفضل لحد اخر لحظه اعدينلهم
ربنا يرحم خالد الشهيد وربنا يتقبله شهيد ان شاء الله وفيه اكتر من خالد وحاجات كتير بتحصل بس محدش بيعرف عنها حاجه
الظلم كتررررررر اووووووي
واحنا لينا حدود
وارجع اقول ده بيحصلنا عشان احنا سلبيين احنا اللي خليناهم يركبونا كده ويظلموا فينا وبعد يومين ننسي لحد امتي هننسي
هيعملوا ايه فينا اكتر من كده
عموما انا فاضل ليا 9 ايام واخلص امتحانات ان شاء الله واروق للحكومه
والواحد بيروح الامتحان دمه بيتحرق علي اللي بيعملوه في المنتقبات وكانهم اعدائهم والبنات بتبقي صعبانه عليا وبيبقي هاين عليا اقوم ازعق مع العميد او الوكيل اللي جاي بنفسه ويقول اوامر من فوق
والامتحانات اللي الدكاتره بيجيبوا فيها من الملغي يعني الدكتور يقرر 360 صفحه من اصل 370 وفي الاخر يجيب من العشر صفح اللي لاغيهم سؤال
الواحد مش عارف هيلاحق الظلم منين ولا منين
حسبنا الله ونعم الوكيل فيكي ياحكومه وفيك يامبارك
وفي كل واحد ظالم
عندي امتحان بعد بكره دعواتكم

هناك 15 تعليقًا:

مدونه ما كفايه بقى يقول...

السلام عليكم

بقالك كتير اوى كش بدخلى المدونه
حمدا على سلامتك


دعوه المظلوم مجابه
واحنا اتظلمنا من قتل ونهب وسرقه واعتقالات

ادعى من قلبك ان ربنا يهديهم

اللهم امين

تقبلى مرورى
تحياتى لكى

موناليزا يقول...

حسبى الله نعم الوكيل
وربنا يوفقك فى الامتحانات

أم الخــلـود يقول...

كلنا زهقنا من الظلم والقهر والاستعباد

اللهم أرحمنا برحمتك آمين

♥♥ شذا ♥ الروح ♥♥ يقول...

السلام عليكم

وحشتينى جامد اوى
يارب يطمنى عليكى على طول ويكرمك خير
وخلى بالك من نفسك فى الامتحانات والمذكره ومنظرين رجوع قووووووووووووووووووى
ربنا يوفقك يارب

♥♥ شذا ♥ الروح ♥♥ يقول...

بصراحه معاكى حق الواحد دمه بيتحرق من اللى بيحصل فى البلد دى كل يوم
ربنا ينتقم منهم اشد الانتقام
وحسبى الله ونعمه الوكيل وبضم صوتى لصوتك

بحبك اوى

blue-wave يقول...

سيبك من الحكومه وظلمها
وركزى فى امتحاناتك
وربنا معاكى

المجاهد الصغير يقول...

السلام عليكم
بيقولو ديمقراطيه ديمقراطيه والديمقراطيه بقت مهلبيه ايوه مهلبيه
حسبنا الله ونعمالوكيل
دمتى فى رعايه الله

أم الخــلـود يقول...

اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

nado يقول...

حسبى الله ونعم الوكيل ......لظلم نهايه

sun of free dom يقول...

حسبنا الله ونعم الوكيل

أم الخــلـود يقول...

شكرا عزيزتي على مرورك الكريم ودعمك للشعار ولكننا وبحمد من الله عز وجل قد حققناه .. وإذا أردت أن تعرفي تفاصيله فأدعوك لزيارة مدونتي السادسة ورابط الموضوع هو:

http://dndanh111.blogspot.com/2010/06/blog-post_22.html

TWEETY يقول...

ازيك ياطانت
انا جيت ازور حضرتك
هو حضرتك مبتجيش تزورنى ليه انا هكون مبسوطة لما تزورنى
هو انا مفهمتش الكلام بس انا باجى ازورك وامشى
مع السلامة

محمود(باحث عن حب) يقول...

حسبنا الله ونعم الوكي
الراجل الكبير عمل عمليه المراره تلوقتى عاوزين نعمل80ميلون عمليه مراره للشعب
بالنجاح ان شاء الله\

ليس فقيرا من يحب يقول...

ايه الغيبه دى كلها

كل سنه وانتى طيبه يا حبيبتى

رمضان كريم عليكى وعلى كل حبايبك

يارب تكونى بالف خير

اقصوصه يقول...

رمضان كريم

وكل عام وانتم بخير :)